മമ്മൂട്ടിയും ലിജോ ജോസ് പെല്ലിശ്ശേരിയും ആദ്യമായി ഒന്നിക്കുന്ന ചിത്രം എന്ന നിലയ്ക്ക് സിനിമ പ്രേമികള്‍ വലിയ പ്രതീക്ഷയോടെ കാത്തിരിക്കുന്ന ചിത്രമാണ് നന്പകല് നേരത്ത് മയക്കം എന്ന ചിത്രം.
മമ്മൂട്ടി ലിജോ ജോസ് പെല്ലിശ്ശേരി കൂട്ടുകെട്ടിലെത്തുന്ന ‘നന്പകല് നേരത്ത് മയക്കം’ എന്ന സിനിമയുടെ രണ്ടാമത്തെ ടീസര്‍ പുറത്തിറങ്ങി. ടാസ്മാക്കില്‍ വെച്ച് ശിവാജി ഗണേശന്റെ ഗൗരവം എന്ന ചിത്രത്തിലെ പ്രമുഖ ഡയലോഗ് മമ്മൂട്ടി അഭിനയിച്ച് കാണിക്കുന്ന രംഗമാണ് ടീസറില്‍. എഴുപത് കാലഘട്ടങ്ങില്‍ ശിവാജി ഗണേശന്റെ പ്രമുഖമായ കഥാപാത്രമാണ് ഗൗരവം സിനിമയിലെ ബാരിസ്റ്റര്‍ രജനികാന്ത്. ആ കഥാപാത്രത്തിന്റെ ഡയലോഗ് രംഗങ്ങളാണ് മമ്മൂട്ടി ഒറ്റ ടേക്കില്‍ അവതരിപ്പിക്കുന്നത്.
ലിജോയുടെ മുന്‍ സിനിമകളിലേതിലെ പോലെ ഏറെ വ്യത്യസ്തമായ കഥാ പശ്ചാത്തലമാണ് ഈ സിനിമയിലും ഉള്ളത് എന്ന് ടീസറില്‍ നിന്നു തന്നെ വ്യക്തമാണ്. ഒരു നാട്ടിലെ ആളുകളും മൃഗങ്ങളുമടക്കം സകലരും പകല്‍ സമയം ഉറങ്ങുന്ന ദൃശ്യങ്ങളാണ് ടീസറില്‍ ഉള്ളത്. തമിഴ് പശ്ചത്തലത്തിലാണ് സിനിമ ഒരുങ്ങുന്നതെന്ന് അണിയറ പ്രവര്‍ത്തകര്‍ നേരത്തെ തന്നെ വ്യക്തമാക്കിയിരുന്നു.